LEGAZPI CITY-Matinding epekto sa produksyon kan mga paraooma an padagos na paglangkaw kan presyo kan produktong petrolyo.
Sinabi ni Bantay Bigas Spokesperson Cathy Estavillo sa intrevista kan Bombo Radyo Legazpi na matindi an epekto kan pagsirit kan presyo o an pigaapod nindang ‘oil price shock’ huli ta nakaasa an nacion sa pag-import kan gabos na pangenot na kaipuhan kan mga namamanwaan siring kan langis.
Dugang pa niya na dai maiibitaran an epekto kaini sa mga ordinaryong namamanwaan magin sa mga paraooma, kun sain kinakaipuan an langis sa produksyon huli ta mga oil based an mga piggagamit na abono asin pestisidyo.
Saro pang epekto suboot kaini an pagtitipid sa gastos sa produksyon kan paraooma, kun sain sasaditan an ilalaag na abono sa mga palayan na posibleng makaapektar o magbaba an kalidad kaini.
Tinawan doon pa ni Estavillo na todo-todo na an pagtitipid kan mga paraooma ngani sana magkaigwa nin pagkakan para sa saindang mga pamilya.
Dagdag pa niya na poproblemahon ini kan mga paraooma huli ta gasino man an promisang subsidiya na P5,000.
Dapat man suboot na ipanao an pangapudan nindang P50,000 production subsidy huli ta kadakol an apektado asin dai makapagtanom huli sa halangkaw na presyo nin langis maski pa dai nagpopoon an gera sa Middle East.
Pangapudan kan grupo sa gobierno na panahon na ngani pangalagaan an mga nagtatanom huli ta importante ini sa pangurualdaw na pamumuhay.
