Nganing maibitaran na maparalisa an produksyon nin asukar kan nasyon, naggigibo nin aksyon an Department of Agriculture (DA) asin Sugar Regulatory Administration (SRA) nganing protehiran an mga paraoma laban sa nagdadangadang na kakulangan asin naglalangkaw na presyo kan langis asin abono huli sa padagos na giyera sa Middle East.
Pormal nang nakipagkoordinar an DA asin SRA sa manlaen-laen na ahensya kan gobyerno, partikularmente sa Department of Energy (DOE), nganing masyerto an matatag na supply nin petrolyo asin abono.
Segun sa DA, kritikal an panahon na ini huli ta ini an kasagsagan kan harvest cycle kun saen pinakahalangkaw an demand sa langis.
Piggagamit ini sa sarabay na pag-ani, pagdara nin tubo sa mga sugar mills, asin paghanda nin dagang omahan para sa masunod na crop cycle.
Kinumpirmar ni SRA Administrator Pablo Luis Azcona na ipinaaram na ninda sa ki Agriculture Secretary Francisco Tiu Laurel Jr. an sitwasyon ngani na pormal nang maipaabot sa DOE an kahandalan kan bilog na sugar industry.
Igwa nin dakulang epekto an kariribokan sa Gitnang Silangan sa pankinaban na merkado, na iyo an mayor na nagdidikta kan presyo asin suplay nin langis, na direktang nakaangkla sa mga pangenot na farm inputs.
Pigsierto ni Laurel na preparado an gobyerno na magsuporta asin dae tutugutan na ma-octaba an operasyon kan sektor.
Dagdag pa kan kalihim na bako sana an mga prodyuser nin asukar an saindang poprotehiran, kundi magin an pangkalahatang suplay nin langis asin abono para sa gabos na paraoma asin parasira sa bilog na nasyon.
 and Sugar Regulatory Administration (SRA) are taking action to protect farmers against impending shortages and rising oil and fertilizer prices due to the ongoing war in the Middle East.){kind=link}