Inanunsyar kan International Energy Agency na nagtugot an 32 na miyembro na mga nacion na magpaluwas nin 400 million na bariles nin langis.
Obheto kan nasabing lakdang na maresolberan an krisis sa petrolyo huli sa giyera sa Middle East.
Segun ki International Energy Agency executive director Fatih Birol na nagdesisyon an mga miyembro ninda ngani na dae na mas maglangkaw pa an presyo kan produktong petrolyo.
Marurumduman na nakaka eksperyensya an dakol na mga nacion nin halangkaw na presyo kan langis puon kan atakihon kan Estados Unidos asin Israel an Iran na nagresulta sa pagkaraot nin mga mayor na agihan nin barko.
Pig-aatake man kan Iran an mga barkong may karga nin petrolyo na nag-aagi sa nagkapirang kadagatan sa parte kan Middle East.
An IEA an kumpwesto kan mga nacion kan Canada, Chile, Mexico, US , Austria, , Belgium, Czech Republic, Denmark, Estonia, Finland, France, asin Germany.
Kaibanan pa digdi an Greece, Hungary, Ireland, Italy, Latvia, Lithuania, Luxembourg, Netherlands, Norway, Poland, Portugal, Slovak Republic, Spain, Sweden, Switzerland, Türkiye, United Kingdom, Australia, Japan, Korea, New Zealand, siring man an nacion kan Colombia, Israel, Brazil , Argentina, China, Egypt, India, Indonesia, Kenya, Morocco, Senegal, Singapore, South Africa, Thailand, Ukraine, asin Vietnam.
