Nagsunad nin propuestong ley si CIBAC Partylist Representative Eddie Villanueva sa pagbabawal sa mga joven na edad 16-anyos pababa na gumamit nin social media.
Sa House Bill 8262 o an “Social Media Protection For Minor Act” obheto kaini na dae muna matugutan an nasabing age group na magkaigwa nin access sa social media.
An nasabing lakdang an bilang kasimbagan sa naglalangkaw na negatibong epekto sa mental health asin seguridad.
Sinabi ni Villanueva na an pagprotekta sa mga kaakian sa paggamit kan social media an sarong moral asin national responsibility.
Dugang pa kaini na ipigkakahaditan man an negatibong epekto kan social media sa mga kabataan kun sain madali sindang ma-expose sa mga kadahasan, kabastusan asin nagkapirang negatibong ugali.
Marurumduman na enot ng nagpaotob an Australia nin pagbabawal sa mga aki na gumamit nin social media na sinundan kan France, Spain, Malaysia asin Indonesia.
