LEGAZPI CITY- Ipinaliwanag kan Department of Education (DepEd) Bicol an nagkapira sa mga rason kan amay na pag-uli kan nagkapirang mga delegado sa Palarong Bicol 2026.
Ini makalihis na makaresibe nin pagtuyaw huli ta tinugutan suboot na maghali na an nagkapirang atleta maski dae pa tapos an closing kan nasabing sporting event.
Segun ki Dr. Joan Lagata, Chief Education Supervisor – Education Support Services Division na igwang sistema na pigpapaotob an lambang mga dibisyon kaya an iba an nagu-uli na basado sa saindang schedule.
Wara man suboot katotohanan na an mga nadaog na atleta sa saidang kawat an basta na sanang pigpapauli.
Parte suboot kan cost cutting kan mga dibisyon an amay man na pag-uli kan mga natapos na an events asin tinawan duon na igwang mga designated na behikulo an mga ini na pigsasabayan kan saindang mga officials o coaches.
Dugang pa ni Lagata na makalihis an events, tulos man na naitatao sa mga atleta an saindang awards kaya dae man napagkakaitan an mga ini maski dae maka atendir sa closing ceremonies kan Palaro.
