LEGAZPI CITY—Padagos an pigsasagibong hot-pursuit operation kan mga otoridad asin pag-imbestigar sa nangyaring pambabadil na ikinagadan kan sarong Indian national sa Guinobatan Public Market sa banwaan kan Guinobatan, Albay.
Binisto an mga biktima na sarong Indian national na dead on arrival, asin sarong bystander na paratienda sa lugar na sa ngunyan nasa maray nang kamugtakan.
Segun ki Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi, igwa na sindang person of interest sa nangyaring insidente na kun sain nagpapadagos an saindang hot-pursuit operation basado sa mga nakuang ebidensya, mga testimonya kang witnesses asin CCTV footage.
Basado man sa saindang inisyal na imbestigasyon na calibre .45 ang ginamit sa pambabadil asin may tama nin duwang bala nin badil an nasabing Indian national.
Dugang niya na posible man na an motibo sa pambabadil enot na an pautang asin ikaduwa an agawan sa teritoryo sa pagpapautang.
Mientrastanto, nangapudan man an opisyal sa publiko na en kaso man na may impormasyon an pwedesir ipagtaong aram sa mga kapulisan siring man na pig-asigurar man ni Nuñez na mareresolbar ninda an naunambitang insidente.
