Pigsyerto ni House Committee on Justice Chair asin Batangas Rep. Gerville “Jinky Bitrics” Luistro na wara nin delay o shortcut sa pag-orolay kan mga impeachment complaint laban ki Vice President Sara Duterte.
Segun ki Luistro, plano kan komitiba na ipadagos an mga hearing maski sa panahon kan congressional recess na mapoon sa Marso 18, ngani na dae maatraso an proseso.
Sinabi man kaini na importanteng mamantenir an due process asin substance kan kaso, sa ibong kan mawot nindang maparikas an progreso kan imbestigasyon.
Nadiskubre kan Justice Committee na an duwang natatadang reklamo sa impeachment laban sa bise presidente an sufficient in substance, kaya nagbalyo na ini sa sunod na yugto kan proseso.
Pigsugo man kan Komite si VP Sara na isumiter an saiyang simbag sa laog nin 10 aldaw, na dai na pwedeng palawigon.
Pagkatapos kaini, igwang tulong aldaw an mga complainant na magsimbag, asin tolong aldaw man para sa bise presidente na mag-rejoinder.
Kun matapos na an hearing, madesisyon an komite an kun igwa nin probable cause na i-refer an impeachment case sa Senado para sa paglilitis.
