LEGAZPI CITY-Ipighayag kan National Bureau of Investigation (NBI) na iimbestigaran ninda an notaryo sa joint-affidavit na isinumetir kan suboot 18-dating soldados sa Office of the Ombudsman.
Segun kay NBI Dir. Si Atty. Melvin Matibag na hihilingon man kan bureau an pagkaka-notaryo kan saindang mga pahayag.
Mawot suboot nindang mabusisi asin hilingon an relasyon kan notaryo asin kan mga dating soldados siring man kun sisay an nasa likod kan saindang mga akusasyon.
Sinegundahan kaini an pahayag ni Ombudsman Jesus Crispin Remulla na dapat magkaigwa sinda nin magkasuhay na pahayag.
Pigkwestyon man kan NBI-Chief kun pano nakalaog sa sarong ‘joint-affidavit’ an impormasyon na itinao kan 18 dating soldados.
Nagtutubod an opisyal na an ‘affidavit’ gikan sa personal na kaaraman kan sarong indibidwal asin dipisil na determinaran kun pareho-pareho an laog kan mga pahayag.
Huli digdi, ipaapod na sana sinda kan kawanihan ngani magheras nin magkasuhay na testimonya mapadapit sa mga alegasyon na nagdadawit sa nagkapirang opisyales kan gobierno.
