LEGAZPI CITY-Tinamaan kan drone strikes kan Iran an Embahada kan Amerika sa Saudi Arabia, basado sa duwang sources.
Sa ngonian, wara pang inisyal na nairehistrong irido sa nasabing pag-atake kan Iran.
An drone strikes sa US Embassy sa kabisera kan Saudi na Riyadh, an kaiba sa mga US military asin diplomatic installations na pig-target kan Iran bilang pag-balos sa inilunsar na “Operation Roaring Lion” kan Amerika asin Israel, na ikinagadan kan Supreme Leader na si Ayatollah Ali Khamenei.
Kasunod kaini, susog sa US Mission to Saudi Arabia, nag-isyu na sinda nin “shelter in place notification” para sa Jeddah, Riyadh asin sa Dhahran.
Nilimitahan na man an non-essential travel sa arin man sa military installations sa rehiyon.
Pinayuhan man an mga namamanwaan kan Amerika na nasa Kingdom of Saudi Arabia na tulos mag-ebkawar sa ligtas na shelter.
Marurumduman na naenot nang nairehistro na tinamaan man kan drone strike an Embahada kan Estados Unidos sa Kuwait kan mga nakalihis na aldaw.
