Ipigdoon ni ACT Teachers Partylist Representative asin Deputy Minority Leader Antonio Tinio na may malinaw at supisyente an impeachment laban kay Vice President Sara Duterte katakod kan suboot maanomalyang paggamit kan Confidential Funds (CF).
Sa impeachment hearing ngonian na aldaw, sinabi ni Tinio na kan Hulyo 2022, naghagad suboot si Duterte nin Confidential Funds sa ibong ka wara man nin siring na pondo na nakatagama para sa Office of the Vice President (OVP) asin sa Department of Education (DepEd).
Sinabi ni Tinio na naghale sa discretionary fund kan Presidente an P125 milyon asin naubos suboot ini sa laog sana nin 11 aldaw.
Nagpaluwas man suboot nin Notice of Disallowance an Commission on Audit sa kantidad na P73 milyon, mantang an kabilugang Confidential Funds kan OVP asin DepEd na pigkukwestyon poon 2022 hasta 2023 uminabot sa P612.5 milyon.
Sinambit man niya an mga suboot kuestionableng mga dokumento asin resibo, kaiba an pangaran na “Mary Grace Piattos.”
Segun ki Tinio, posibleng i-impeach an Bise Presidente huli sa betrayal of public trust, gross abuse of discretionary powers, kawaran nin transparency, asin suboot dai pag-intindi sa oversight powers kan Kongreso.
Tinawang-duon ni Tinio na bako pulitika an isyu kundi accountability, asin an public position an sarong public trust na dapat panimbagon.
.){kind=link}