Nagpaluwas nin advisory an Phivolcs ngonian na aldaw, manungod sa paglangkaw kan seismic activity sa Bulkan Bulusan sa Sorsogon.
Nairehistro kan Bulusan Volcano Network an 49 na volcanic earthquake poon kan Pebrero 26 kun saen 16 kaini an volcano-tectonic related sa rock fracturing sa irarom kan bulkan.
Sa ibong kaini, an bulkan nagtetenir sa Alert Level 0, na an boot sabihon wara nin nahihiling na huma nin magmatic eruption.
Alagad, posible na an nagpapakusog kan mga hydrothermal processes an pwedesir magkawsa nin biglaang steam-driven o phreatic eruption.
Maluya sagkod katamtaman an degassing activity gikan sa summit crater asin active vents, asin hababa an sulfur dioxide emission.
Pigpapagirumduman an publiko na maglikay sa laog kan 4-kilometer radius na Permanent Danger Zone huli sa peligro nin phreatic eruption, rockfall, asin landslides.
Pigsugo an mga lokal na gobyerno na magpreparar kan saindang mga emergency plans enkaso maiitaas sa Alert Level 1 an estado kan bulkan.
Inabisuhan man an civil aviation authorities na likayan an paglupad harani sa summit huli ta pwedesir magin peligroso an abo sa mga aircraft.
Padagos an pagmonitor kan DOST-PHIVOLCS sa kondisyon kan Bulkan Bulusan asin tulos na ipapaabot an anuman na bagong impormasyon.
