Kapansin-pansin suboot na an defense team ni dating Presidente Rodrigo Duterte an nagpreparar kan mga argumento laban sa prosecution.
Ini an kasunod kan presentasyon kan lead legal counsel na si Nicholas Kaufman kan saindang simbag sa mga pagsusumite kan prosekusyon sa laog kan enot na duwang aldaw kan confirmation of charges hearing kan dating presidente.
Segun kay University of the Philippines College of Law senior lecturer Atty. Lee Edson Yarcia, malinaw na pinaghandaan kan defense panel an saindang presentasyon huli ta nakapagpresentar ini nin mga puntong kaipuhan simbagon kan prosecution panel.
Kabali digdi an pagsambit ni Kaufman sa suboot paggamit kan prosecution nin nagkapirang circular, directives, asin memo na pinaluwas kan Philippine National Police kan panahon kan drug war na “selective” o dai kabali an bilog na laog asin kahulugan.
Sinambit man ni Yarcia an mga direktiba ni Duterte na iprinesentar ni Kaufman, na nagsugo sa mga pulis na gumamit sana nin pwersa kun namemeligro an saindang buhay na taliwas sa claim kan prosecution.
Alagad, binalikan man liwat ni Yarcia an presentasyon kan prosecution, kun sain suboot nakapagpresentar an panel nin supisyenteng ebidensya na si Duterte an nagtao kan orden para sa mass killings.
Kabilang dito ang mga video ng kanyang mga talumpati kung saan inaako ng dating pangulo na siya ang nagbigay ng order, nag-utos sa operasyon, at nagbigay ng ultimatum sa ilang “illegal drugs personalities” na kinalaunan ay nasawi sa mga police operation.
Kabale digdi an mga video kan saiyang mga talumpati kun saen inako kan dating presidente na siya an nagtao kan orden, nagsugo kan operasyon, asin nagtao nin ultimatum sa magkapirang “illegal drugs personalities” na kinalaunan an nagadan sa mga police operation.
