LEGAZPI CITY- Liwat na nagpatanid an grupong BAN Toxic sa publiko makalihis madiskubre an nagkapirang klase nin lipstick na may halangkaw na amunto nin kemikal.
Ini an kasunod kan ginibong paglilibot kan grupo sa nagkapirang mga merkado sa nacion.
Segun ki BAN Toxic Campaigner Thony Dizon sa intrevista kan Bombo Radyo Legazpi na kadaklan sa mga bako rehistradong klase nin lipstick an may taglay na led, mercury asin manlain lain pang klase nin peligrosong kemikal.
Aminado an opisyal na an iba sa mga ini an bako man marhay halangkaw an kemikal alagad lagpas man liwat sa ipinagtalaan na limit.
Dagdag pa kan opisyal na nadiskubre man sa nagkapirang mga produkto na haros wara o bako matanos an label kaya dae mahihiling an mga ginamit na ingredients.
Pigduon ni Dizon na importante an tamang paglalaag nin label sa mga cosmetic products ngani na mahiling kan publiko.
