Nagtutubod si Philippine Coast Guard (PCG) for the West Philippine Commodore Jay Tarriela na susuportaran kan China an sisay man na kandidato sa 2028 General Elections na dae nagsusuporta sa direchos kan Pilipinas sa West Philippine Sea.
Patanid kan opisyal, sierto na magpapahiling nin suporta an Chinese government sa mga kandidato sa national polls na dae nagkukwestyon sa presensya kan China sa pig-aagawang kadagatan.
Sierto na pahihiwason pa kan China an ‘information operations’ kaini mantang papaharani an eleksyon.
Pangenot digdi an operasyon kan Foreign Information Manipulation and Interference (FIMI) kan China, na segun ki Tarriela an posibleng makikiaaram bago an eleksyon, nganing ikontrol an public opinion sa mawot kaining mangyari.
Huli digdi, kaipuhang pugulan an mahewasang disinformation na sierto na isasagibo kan Chinese government, lalo na ang pahayag kan pirang pulitiko na hayagang nagsusuporta pa sa naratibo kan China.
Kun pupugulan suboot an transparency initiative kan gobiyerno mapadapit sa WPS, posibleng pag-abot kan 2028 an malilingawan na kan mga Pilipino kun sisay an mga pulitikong bitong naglaban para sa posisyon kan Pilipinas sa WPS.
Mientrastanto, sa presente an wara man suboot nareresibe si Tarriela hale sa Malacañang na limitahan an saiyang media engagements sa ibong kan mainitang palitan nin pahayag sa pagultangan niya asin kan Chinese Embassy in Manila.
