Iran warned that US bases, facilities and assets would become its "legitimate targets" in the event of an American attack.

Nagpatanid an Iran na magigin “lehitimong targets” kaini an mga base, pasilidad asin asset kan Estados Unidos enkaso umatake an Amerika.


Ini an sa tahaw kan 10 hasta 15 aldaw na ultimatum ni US President Donald Trump sa Iran na magkaigwa nin nuclear deal.


Ginibo ni Iranian Ambassador to the United Nations Amir Saeid an maisog na pahayag sa sarong surat na ipinadara ki UN Secretary General Antonio Guterres asin Security Council president.


Pigsambit sa surat an sarong post sa social media ni Trump kan Miyerkules, kun saen sinabi niya na posibleng kaipuhanon kan Estados Unidos an mga base militar kan UK, kabale an saro sa Indian Ocean Island, kun dai makipagkasundo an Iran.


Segun sa Iran Ambassador, an siring kaining pahayag kan US President an nagpapahiling kan tunay na peligro kan military aggression, na an mga resulta an nakakadanyar sa rehiyon asin pwedesir magkawsa nin seryosong huma sa pangkinabang katoninongan asin seguridad.


Naenot nang naibareta na an Amerika an naghahanda na maglansar nin sarong strike sa Iran sa tahaw kan pagpadara ni Trump nin mga warships, mga fighter jets asin iba pang military force sa Middle East nganing mapugulan an Iran sa paggibo nin nuclear bomb, bagay na pignegaran man kan Tehran.

RELATED ARTICLESMORE FROM AUTHOR