LEGAZPI CITY- Duda an sarong grupo nin mga parasisira na maootob an pigtataram na mababa an presyo kan galunggong sa nacion ngunyan na bulan nin Pebrero.
Segun ki Pambansang Lakas ng Kilusang Mamamalakaya ng Pilipinas Chairperson Pando Hicap sa intrevista kan Bombo Radyo Legazpi na haloy na promesa na kan gobierno na magkakaigwa nin pagbaba sa presyo kan sira tuyong nagbubukas an fishing season asin nagkakaigwa nin dakol na suplay.
Alagad sa reyalidad, dae suboot ini nangyayari huli ta solamenteng an mga traders an nagtatalaan kan presyuhan sa merkado.
Dugang pa kan opisyal na komon na an mga traders man an may tagsadiri kan mga darakulang fishing vessel na nakaka apektar sa saradit na mga parasisira.
Mientras tanto, ipinunto man ni Hicap na basado sa pag-aadal na puon kan taong 2010 nagkakaigwa nin padagos na pagbaba sa nadadakop na sira asin produksyon.
Pigbabasol ini kan grupo sa padagos na pagkaraot kan marine resources asin marine ecosystem huli sa mga pigko konstruir na mga proyekto sa mga coastal areas.
