Nakapagrehistro nin bahagyang paglangkaw sa numero kan mga Pilipino na warang trabaho kan Disyembre 2025.
Basado sa Labor Force Survey kan Philippine Statistics Authority na an mga Pilipino na edad 15-anyos pataas na warang trabaho sa nasabing peryodo an naglangkaw sa 2.26 million.
Katumbas ini nin nasa 4.4% na unemployment rate.
Mas halangkaw ini sa 2.25 million kan Nobyembre 2025.
Basado sa datos, nasa 51.69 million sa labor force an naghahanap nin mga oportunidad sa trabaho sa nasabing peryodo.
An nasabing unemployment rate an nangangahulugan na 44 sa kada 1,000 na mga indibidwal an warang trabaho kan Disyembre 2025.
