LEGAZPI CITY-Nagdemitir na sa saiyang puwesto si ACT-CIS party-list Representative Edvic Yap.
Sa isinagibong session sa House of Representatives kansudma, Pebrero 4, inanunsiyo ni Deputy Majority Leader asin Leyte Rep. Anna Victoria Veloso-Tuazon na nakaresibe siya nin surat hale kay Yap ukol para sa saiyang pagbutas sa puwesto.
Huli digdi, kahagadan niya sa secretary general na tanggalon na si Rep. Yap sa roll of members kan House of Representatives.
Si Yap an tugang ni Benguet Rep. Eric Yap, na saro sa mga kongresista na nabanggit ni Ombudsman Jesus Crispin Remulla na suboot nakaresibe nin kwarta hale sa mag-agom na contractor na sinda Curlee Discaya asin Sarah Discaya.
Pighahagad pa ni Remulla sa Anti-Money Laundering Council (AMLC) an suboot koneksyon ni Yap sa mga Discaya.
