LEGAZPI CITY-Naka-standby na an nasa 400 na personahes kan Coast Guard District Bicol para sa posibleng epekto kan Bagyong Basyang sa rehiyon.
Segun kay Philippine Coast Guard District Bicol Spokersperson Coast Guard Ensign Alyzza Novie Bermal, sa intrevista kan Bombo Radyo Legazpi na nakahandang i-deploy an saindang mga tropa sa kada distrito para sa mga posibleng emerhensya.
Mantang wara pang abiso manungod sa kanselasyo kan mga byahe sa pantalan, nakahanda man suboot sindang ipadara an mga personahes sa mga lugar na nangangaipohan nin rescue.
Pagirumdom kan opisyal na padagos na mag-antabay sa maritime agency manungod sa mga impormasyon sa bagyo asin aramon kun may mag sea travel advisory ngani maibitaran an pagka-stranded sa mga pantalan.
