LEGAZPI CITY- Padagos an paghahatod nin tabang kan Ako Bicol Party list sa mga evacuees na apektado kan padagos na aktibidad kan bulkang Mayon.
Marurumduman na sarong bulan na puon kan i-ebakwar an mga residente na nasa 6km radius permanent danger zone.
Segun ki Ako Bicol Party list Representative Atty. Alfredo Garbin Jr. sa intrevista kan Bombo Radyo Legazpi nabisita na ninda an haros gabos na mga evacution center asin inasegurar na magpapaabot nin ayuda sa iba pang mga apektadong residentes.
Afuera sa mga food packs, nagpaabot na man an mga ini nin face mask sa nagkapirang barangay sa Legazpi City na apektado kan nangyayaring ashfall.
Paliwanag ni Garbin na parte ini kan adbokasiya kan Ako Bicol Party list na magpaabot nin tabang tuyong igwang mga kalamidad.
