Aminado an World Health Organization (WHO) na nagtetenir na maluya asin bako pantay an progreso sa pangkinaban na preparasyon kontra sa pandemya, urog ng padagos na naglilihis an pondo kan nagkapirang nacion sa depensa asin pandemya.
Makalihis an anom na taon puon kan ideklarar an COVID-19 bilang global health emergency, pigduon kan WHO na igwang mga lakdang na pigigibo siring kan Pandemic Agreement kan 2025 asin mga pagbabago sa International Health Regulations.
Binilog man an Pandemic Fund na nakakapagtao nin labi sa $1.2 bilyon para sa mga proyekto sa labi sa 90 nacion, kaibanan na an pagpapakusog kan surveillance, laboratoryo, asin workforce training.
Naghewas man an kakayanan sa genomic sequencing asin nailatag an sentro sa pagibo kan bakuna asin biomanufacturing ngani na masierto an patas na access sa bulong.
Sa ibong kainu, tinawan duon ni WHO Director-General Dr. Tedros Ghebreyesus na “solidarity is the best immunity” asin nangapudan nin mas makusog na kooperasyon.
Kasabay kan mga naadalan kan COVID-19, pigduon kan World Health Organization na an tunay na kahandaan an nangangaipo nin padagos na pagbabantay antes pa man umabot an masunod na pandemya.
