LEGAZPI CITY—Nakumpiskar sa ikinundusir na operasyon kan mga otoridad an nasa P37,000 na kantidad nin smuggled na sigarilyo sa duwang indivbidwal sa Tabaco City.
Segun ki Tabaco City Police Station Chief of Police Police Lieutenant Colonel Virgil Bibat, sa intrevista kan Bombo Radyo Legazpi, nakumpiskar sa mga ini an labi 50 pakete nin sigarilyo makalihis magpabakal sa sarong poseur buyer.
Binisto an mga suspek na sinda alyas “Brian”, 32-anyos, asin “Wel”, 36-anyos na parehong residente kan nasabing ciudad.
Dugang ni Bibat na ginibo an anti-smuggling operation sa pinagsarong pwersa kan Tabaco CPS asin Criminal Investigation and Detection Group (CIDG) Albay Provincial Force Unit.
Sa presente nasa kustodiya na kan CIDG Albay an mga suspek asin nasunadan na nin magkakanigong kaso.
Mientrastanto, padagos man an monitoring kan saindang opisina asin pakikipagkoordinar sa mga barangay officials kun saen en kaso man na may manutaran na siring na transaksyon an tulos i-report sa kapulisan asin sainda ining tatawan nin aksyon.
