Dismayado an mga tech advocates sa dapat kutang oportunidad kan nasyon na magin asin ikonsidera na sarong data hub center sa rehiyon.
Ikinamundo kaya kaini na huli sa suboot dai pag-perform nin marhay kan solar power company na pigtugdok ni Batangas 1st District Rep. Leandro Leviste, nawaran nin oportunidad an Pilipinas na mag-asenso sa digital technology.
Sa ekslusibong intrevista kan Bombo Radyo ki Ronald Gustilo, national campaigner kan Digital Pinoys, pighiras kaini na dai nautob kan solar firm an promesa kaini na madeliver an haros 12 gigawatts kan renewable energy capacity gikan sa mga nakuwang kontrata.
Kun kaya saro suboot ini sa mga rason kun ngata dae na natuloy an mga foreign investor sa nacion asin nagkawsa pa nganing magkaigwa nin pagbantol sa digital economy kan Pilipinas.
Sinabi niya na kun nagin matrayumpo ini asin nagin data hub center an nasyon, dakula an maitatabang kaini sa nasyon.
Katakod kaini, nanghihinayang na ipigheras ni Gustilo na an dai naotob na 12 gigawatts sa labing sanggatos na hyperscale data center an makakaakit kuta nin mga potensyal na dayuhan na namumuhunan.
Posible suboot na maabot ini sa pigkakarkulong 100 bilyon dolyar kun naidagos ini.
Kaya man nangapudan an grupong Digital Pinoys sa Department of Energy na labing siyasaton an track record kan mga kumpanya na mapartisipar sa bidding para sa contrata.
Dapat suboot itao sa mga reliable companies an mga renewable energy projects, mantang pighahagad man na imbestigaran kan Kongreso an isyu.
Kun magigirumduman, inot na pigheras ni Ombudsman Jesus Crispin ‘Boying’ Remulla an imbestigasyon manungod sa pagbalgar kan prangkisa sa kumpanya na pigtugdok ni Cong. Leandro Leviste.
Nagpapadagos na suboot an imbestigasyon laban sa mambabatas katakod kan suboot ‘violation of franchise’ kan kumpanya na konektado saiya.
