LEGAZPI CITY- Nagpaabot nin nasa P2 million na tabang an lokal na gobierno kan Makati City sa gobierno provincial kan Catanduanes
Ini an bilang tabang sa mga naapektaran kan nakalihis na mga kalamidad sa island province.
Segun ki Catanduanes Governor Patrick Azanza sa intrevista kan Bombo Radyo Legazpi na ini an kasunod kan promesa ni Makati City Mayor Nancy Binay kan minsan na makaolay niya an opisyal.
Afuera sa nasabing P2 million, igwa man suboot na naresibeng cash assistance an nagkapira pang mga lokal na gobierno sa Catanduanes.
Paliwanag kan gobernador an nasabing kantidad an ipapaagi sa Provincial Disaster Risk Reduction and Management Council ngani na magrekomendar kun sain pwedesir na gamiton.
Marurumduman kaya na labi sa 39,000 na mga kaharungan an nadistroso sa provincia makalihis an pangrarapado kan magkakasunod na bagyo kan nakalihis na taon.
