LEGAZPI CITY- Aminado an sarong election watchdog na dae na nakakabigla na igwang mga pangapudan na mapanimbag an mga haralangkaw na opisyal kan nacion huli sa problema sa korapsyon.
Ini an kasunod kan impeachment complaint na pigsunad kontra ki Presidente Ferdinand Marcos Jr. asin mga kaso na isinunad sa Ombudsman kontra ki Vice President Sara Duterte.
Segun ki Kontra Daya Convenor asin University of the Philippines College of Mass Media and Communication Professor Danilo Arao sa intrevista kan Bombo Radyo Legazpi na parte kan command responsibility an lakdang kontra sa hepe ehekutibo huli ta siya an nagpipirma kan pambansang pondo.
An bise presidente man an padagos na pigpapasimbag sa suboot salang paggamit kan confidetial funds.
An pag-usad suboot kan nasabing mga reklamo an naka-depende sa public pressure ngani na ma-pwersa an mga lehislador na muboto na uyon sa interes kan publiko.
Dugang pa ni Arao na kun igwang gobierno na dae nagseserbi, kinakaipuhan na an mindset kan mga Pilipino iyo an bako deserving an mga nakatukaw sa pwesto, ngani na magkaigwa nin pagbabago.
Mientras tanto, sinierto man kan opisyal na an Saligang Batas an igwang mekanismo kaya enkasong magkaigwa nin conviction, magpapadagos man liwat an gobierno asin dae magreresulta sa pagkaraot kan stability kan nacion.
