LEGAZPI CITY-Nagkaigwa nin aberya an linunadan na Air Force One ni US President Donald Trump mantang pasiring sa Davos, Switzerland, rason ngani magbalik siya sa Joint Base Andrews sa Maryland.
Segun sa White House, tulos na naglipat si Trump sa ibang eroplano ngani ipadagos an biyahe pasiring sa World Economic Forum.
Sa nasabing pagtitipon, laoman na tutukaron ni Trump an saiyang kontrobersyal na propwesto na mapasairarom sa Amerika an Greenland, na tinutulan kan mga kaalyado sa North Atlantic Treaty Organization (NATO).
Giit ni Trump, importante an Greenland para sa pambansang seguridad kan Estados Unidos asin dai niya pigsasawarang bahala an paggamit nin puwersa kun kinakaipuhan.
Afuera digdi, piglatag niya an Board of Peace, na sarong bagong mekanismo na magin kapalit kan United Nations.
Nagpatanid man siya kan 10% na taripa laban sa walong nacion kabale sa NATO kun dai sinda magkakasundo mapadapit sa orolay sa nacion kan Greenland.
Sa Davos, ipigorgulyo man ni Trump an suboot matrayumpo niyang administrasyon sa pagpapauswag kan ekonomiya asin pagbaba kan presyo nin mga barakalon.
Sa tahaw man kan mga kontrobersiya, sinabi ni Trump na nagtetenir na “pinakamainit” asin “pinakamatibay” an ekonomiya kan Amerika sa bilog na kinaban.
