LEGAZPI CITY – Padagos an pigsasagibong assessment kan Catanduanes Police Provincial Office (PPO) sa danyos na ipigwalat sa sainda sa pangrarapado ni Bagyong Ada.
Segun ki Catanduanes PPO Public Information Officer Police Major Emsol Icawat sa intrevista kan Bombo Radyo Legazpi na may mga Barangay, omahan, imprastraktura asin mgfa gamit na nalubog sa baha huli sa dakulang volume kan uran na ibinagsak sa sainda.
Alagad sa kagayunan suboot an wara sindang nairehistrong nagadan sa kasagsagan kan pananalasa kan naunambitang raot nin panahon.
Punto niya na antes pa man sinda uranon ni Bagyong Ada, nagkakaigwa na nin mga pagbaha sa saindang provincia huli sa epekto kan shearline.
Pigtaram pa ni Icawat na nakipagtabangan man sinda sa mga otoridad sa paagi kan pagtaong asistensya sa saindang mga residentes sa pag-ebakwar urog na an mga nasa lanslide asin flashflood prone areas.
Sa presente suboot an padiit-diit nang nagbabalik sa normal an sitwasyon sa provincia alagad nagkakaigwa pa nin panaka-nakang pag-uuran.
 is conducting an assessment of the damage caused to them by Typhoon Ada.){kind=link}