LEGAZPI CITY—Nagin normal an sitwasyon sa Legazpi City makalihs an liwat na pagpadagos kan face to face classes sa ciudad kasoodmang Lunes, Enero 19.
Segun ki Legazpi City Public Safety Office Head Octavio Rivero, sa intrevista kan Bombo Radyo Legazpi, wara man sindang nanutaran na anumang problema asin warang nai-report na traffic congestion.
Padagos man an monitoring kan saindang opisina urog na sa mga lugar na nagkakaigwa nin magabat na problema sa bulos nin trapiko sa ciudad.
Dugang kan opisyal na pig-abisuhan niya an mga personahes na nakadesignar sa mga pampublikong eskwelahn na dae pagpabayaan na solong magbalyo sa tinampo an mga estudyante maski pa man igwa sindang kaibang magurang, nganing maibitaran an aksidente.
Liwat na pigtawan-doon ni Rivero na preparado an saindang opisina na magtaong asistensya sa kun ano man an kinakaipuhan na tabang kan publiko.
