Nadiskubre kan University of the Philippines Marine Science Institute (UP MSI) na mas halangkaw an lebel kan iodine-129 sa kadagatan kan West Philippine Sea kumpara sa ibang parte kan nasyon.
An Iodine-129 sarong radioactive isotope na sarong senyales nin nuclear activity asin an paghiro kaini sa ere asin kadagatan an madaling masubaybayan.
Basado an naunambitang pag-aadal sa ginibong pagsusuri kan 119 seawater samples hale sa West Philippine Sea, Philippine Rise, Sulu Sea asin iba pang kadagatan sa nasyon.
Segun sa mga mananaliksik, an lebel kan iodine-129 sa West Philippine Sea an 1.5 sagkod 1.7 beses na mas halangkaw kumpara sa ibang lugar.
Ini an maski an Pilipinas wara nin aktibong nuclear power plant o nuclear weapons program.
Alagad, posibleng naghale ini sa Yellow Sea asin nakaabot sa Pilipinas sa paagi nin mga daloy kan kadagatan hale sa China.
Segun sa UP MSI, an saindang mga resulta nagtugma sa mga nakaaging pag-aadal sa China na nagkonektar kan iodine-129 sa Yellow Sea sa mga dekada nang nuclear weapons tests asin mga nuclear fuel reprocessing facility sa Europa.
An mga ini suboot nagluwas nin iodine-129 sa daga asin mga salog sa hilagang-silangang kan China.
Nilinaw man kan Marine Science Institute sa ibong kan radioactive an iodine-129, an presenteng lebel kaini an dai nagtatao nin peligro sa salud nin tawo o sa kapalibutan.
Alagad, pigduon kan mga siyentipiko an pangangaipohan para sa mas estriktong pagbantay asin regulasyon kan mga radioactive material na nagbabalyo sa mga border kan satuyang nasyon.
 found higher levels of iodine-129 in the waters of the West Philippine Sea compared to other parts of the country.){kind=link}