LEGAZPI CITY-Liwat na nakaekperyensya nin pagbabaha an Barangay Masarawag sa Guinobatan Albay na nagpadifisil sa transportasyon dara kan Bagyong Ada.
Segun kay Punong Barangay Vicente Mar Baliat, sa intrevista kan Bombo Radyo Legazpi na nagkaigwa nin pagbabaha sa Purok 4 asin 6 kun sain nagin mahibog an mga basud sa kalsada.
Mantang diit man sana an pagbabaha, alagad igwa suboot ining karibay na mga basud asin saradit na gapo.
Bilog na residentes man kan nasambitang barangay an presenteng nasa evacuation area asin nagkapira sana an nagtenir sa saindang mga harong.
Sa presente, nag-subside na an pagbabaha sa lugar alagad napagalan an ibang mga behikulo mantang kinakaipohanan ninda an transportasyon.
Karahayan sana suboot an bako man halangkaw an tubig-baha asin wara man nin nairehistrong anumang insidente.
Nakabantay man an saindang mga opisyal sa evacuation center para sa mga enot na pangangaipohan kan saindang constituentes siring kan mga pagkakan o relief goods.
Abiso man kan Punong Barangay na magtenir sa saindang mga kaharongan asin magin kalmado mantang padagos an saindang pigsasagibong mga superbisyon.
