LEGAZPI CITY- Nakanselar an nagkapirang mga flights sa Bicol International Airport ngunyan na aldaw, Enero 17, 2026.
Ini an katakod kan maraot na panahon na kawsa kan bagyong Ada.
Segun ki Bicol International Airport Operations Manager Roland Bocito sa intrevista kan Bombo Radyo Legazpi na basado sa datos kasubagong alas-8:30 nin aga, enot na nakanselar an duwang flights kan Philippine Airlines.
Kaibanan digdi an PR 2921 (MNL-DRP) asin PR 2922 (DRP-MNL).
Sinabi kan opisyal na nasa hurisdiksyon na kan mga airlines an pagkanselar asin rebooking kan mga flights.
Dae man pighahali an posibilidad na madugangan pa an mga cancelled flights sa masunod na mga oras urog pa na nakaka eksperyensya nin maraot na panahon sa provincia kan Albay.
Mientras tanto, sinabi man ni Bocito na igwa man nin area sa nasabing erpuerto na pwedesir na pagteniran kan mga stranded na pasahero mantang naghahalat kan saindang flights.
