LEGAZPI CITY- Nagpagirumdom an Albay Schools Division Office sa mga estudyante asin paratukdo sa provincia na mag-andam asin magpreparar katakod kan pigkakahaditan na epekto kan bagyong Ada.
Marurumduman na enot ng nagsuspinder nin face-to-face classes sa mga pampubliko asin pribadong eskwelahan sa provincia kan Albay puon Enero 16 hasta Enero 17 bilang pag-andam sa nasabing raot nin panahon.
Segun ki Albay Schools Division Office Spokesperson Froilan Tena sa intrevista kan Bombo Radyo Legazpi na kinakaipuhan na i-secure kan mga estudyante an saindang mga kagamitan sa pag-aadal.
Ini urog pa kun komon na pigbabaha an saindang mga lugar.
Dugang pa kan opisyal na kun kinakaipuhan na mag-ebakwar huli sa posibleng epekto kan nasabing raot nin panahon, dapat na siguruhon an saindang kaligtasan asin kan saindang mga kagamitan.
