LEGAZPI CITY-Pigrekomenda ni Integrated Bar of the Philippines (IBP) President Atty. Allan Panolong sa gobierno kan Pilipinas an paglaog sa long-term diplomatic relationship, kaiba an Portugal kun mawot nindang tuluyang maarestar an suboot high-profile fugitive na si Zaldy Co.
Ini sa tahaw kan kawaran nin extradition treaty sa pagultangan kan Pilipinas asin kan Portugal, ngani sana maarestrar asin maibalik sa Pilipinas an pugante, na pigtutubudang nagtetenir sa nasabing lugar nin pirang bulan.
Segun kay Panolong, sa paagi kan diplomatic channel sa pagultanan kan duwang nacion, posibleng kaolayon kan gobierno kan Pilipinas an Portugese authorities ngani magtabang sa paghahanap asin pagarestar sa nagtatagong dating kongresista.
Sa paagi man suboot kaini, siertong magkakaigwa nin palitan kan bastanteng impormasyon sa manlain-lain na aspeto siring kan crime prevention.
Nagtutubod si Panolong na bukas an gobierno kan Portugal na makipag-olay sa gobierno kan Pilipinas orog pang may red notice request na isinumiter an Pilipinas sa International Criminal Police Organization (INTERPOL).
Sa presente, kanselado na an pasaporte ni Zaldy Co, mantang igwa man nin madamiento de aresto na ipinaluwas laban sa saiya.
