LEGAZPI CITY-Nagsakat sa P18.55 trilyon an kabilugang utang kan national government kan Mayo makalihis ining mangutang pa hale sa lokal na merkado ngani matustusan an pangangaipo sa pondo, susog sa Bureau of the Treasury (BTr).
Basado sa datos kan ahensya, mas halangkaw sa 0.41% an utang kan bulan nin Mayo kumpara sa P18.47 trilyon na nairehistro kan bulan nin Abril.
Segun pa sa ahensya, pangenot na rason kan paglangkaw kaini an pagdakol kan inisyu asin naipabakal na domestic securities kan gobierno.
Sinabi kan BTr na nagpadagos an pangungutang kanb gobierno ngani susportaran an mga gastuson kaini sa tahaw kan nagpapadagos na tensyon sa Gitnang Silangan.
Nakatabang man an paglangkaw kan kantidad kan piso kontra dolyar asin iba pang dayuhang salapi ngani mabawasan an epekto kan paglangkaw kan utang.
Naglobo nin 0.65% an domestic debt sa P12.5 trilyon, mantang bahagyang nagbaba nin 0.07% an foreign debt sa P6.05 trilyon sa parehong panahon.
