Pighayag kan Bangko Sentral ng Pilipinas na naglangkaw nin 10.3% an outstanding loans kan universal asin commercial banks para sa mga negosyo asin indibidwal kan Nobyembre 2025.
Nagtetenir man na pusog an pagtalubo kan bank loans year-on-year kan nasabing bulan.
Sa seasonally adjusted basis, sinabi kan Bangko Sentral ng Pilipinas na nagtalubo man nin 0.9% an outstanding loans year-on-year sa nasabing peryodo.
Segun sa ahensya, nagkaigwa man nin pagluya sa pagtalubo kan loans sa mga residente sa 10.7% kan Nobyembre hali sa 10.9% kan Oktubre.
Sa ibong kaini, padagos man na nagbababa an mga loans sa mga non-resident, na nasa 4.5% hali sa dating 11.1% sa nakalihis na bulan.
Kaibanan sa mga sektor na nakapagrehistro nin paglangkaw sa lending an real estate activities (9.0 porsiyento); electricity, gas, steam asin air-conditioning supply (26.6 porsiyento); wholesale asin retail trade na nasa 11.6%; financial asin insurance activities (3.5 porsiyento); information and communication (7.0 porsiyento); asin transportation and storage (12.7 porsiyento).
