LEGAZPI CITY- Mas nagin mahigot pa ngunyan an lokal na gobierno kan Legazpi City sa pagkokundusir nin mga clean up drive.
Obheto kaini na mamantenir an kalinigan kan mga barangay sa tahaw kan mga naeeksperyensyahan na mga pag-uran.
Segun ki Legazpi City Councilor Amore Rex Rañeses sa intrevista kan Bombo Radyo Legazpi na kinakaipuhan na magin malinig asin mahewas an mga kanal ngani na maibitaran an mga pagbaha.
Napag-araman na may poder an mga barangay officials na mag-isyu nin ticket sa mga dae tataong magtapok nin basura sa tamang lugar.
An multa kan mga violator an nasa P500 hasta P2,000.
