LEGAZPI CITY—Padagos na nakabantay an mga kapulisan kan Albay sa mga border control points magin sa mga evacuation centers makalihis an naobserbarang aktibidades kan bulkang Mayon.
Segun ki Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi, nasa 120 personnel an saindang ipig-deploy sa mga control border points mantang nasa 187 personnel man an saindang pig-deploy sa mga evacuation centers.
Kabale na digdi an saindang medical team, reserved force, magin an mga babaeng personnel na mataong serbisyo para sa mga kajovenesan asin mga babaeng evacuees para sa saindang mga pangangaipuhan.
Tinawan-doon man kan opisyal na mahigot na ipigbabawal an paglaog sa 6-kilometer radius permanent danger zone kan bulkan.
Dugang ni Nuñez na pigre-require ninda an gabos na evacuation centers sa pag-obserbar kan curfew hour nganing protehiran an seguridad kan mga nag-ebakwar na residentes.
Sa presente, wara pa man suboot sindang nairehistrong anumang untoward incident sa saindang piggibong pagbabantay.
