Naglansar an North Korea nin nagkapirang ballistic missiles hale sa Pyongyang pasiring sa sirangan na parte kan dagat kaini mga alas 7:50 nin aga ngonian na Domingo, Disyembre 4, segun sa militar kan South Korea.
Ini an pinakabagong nairehistrong paglansar nin ballistic missiles kan North Korea sa laog nin duwang bulan, kasabay kan nagdadangadang na pagbisita ni South Korean President Lee Jae-Myung sa China kun saen pag-oolayan an posibleng katoninongan sa Korean peninsula.
Segun ki Wi Sung-lac, security adviser ni Lee, naglalaom an South Korea na dakula an magigin papel kan China sa pagbubusol kan katoninongan sa pagultanan kan South asin North Korea.
Obheto suboot ni Lee na ma-engganyar an China na mangenot sa posibleng peace talks sa pagultangan kan South asin North Korea.
Mientrastanto, magigirumduman na an North Korea huring naglansar nin sarong ballistic missile kan Nobyembre kan nakaaging taon.
Kasabay kaini, ipigsugo ni North Korean leader Kim Jong Un na doblehon an saindang produksyon nin mga kagamitan pandigma.
