LEGAZPI CITY-Padagos an pigsasagibong segregation kan mga basura sa Legazpi City Public Market na iwinalat kan pagselebrar kan Bagong Taon.
Segun kay Legazpi Public Market Officer-in-Charge Ronald Pasanosa, sa intrevista kan Bombo Radyo Legazpi na nasa pigestimar na 1,000 kilos na mga basura sa apat na truck an padagos na pig-segregate.
Ipigsasagibo ini kada taon sa primerong aldaw kan bulan kun sain nagtatarabangan an mga taga-market ngani ma-segregate an mga basura.
Saro suboot ini sa saindang mandato na paglinig sa lugar kinaagahan makalihis an pagselebrar kan Bagong Taon.
Nasa 30 – 40 katawo man an nagtarabangan ngani maayos an mga basura digdi.
Nagsagibo man sinda nin miting ngani magin maayos an paglalatag sa entrance asin exit ngani matipon an mga basura sa sarong lugar.
Pirmihan man sindang nakikipagkoordinar sa Office of the City Environment and Natural Resources (OCENR) para sa koleksyon kan mga basura.
Mensahe kan opisyal na manteniron an kalinigan sa Legazpi City Public Market huli sa kadakol man na mga lokal na turista an nagsasauud sa lugar.
