LEGAZPI CITY- Naarestar kan mga kapulisan sa banwaan kan Sto. Domingo, Albay an suspek sa pananaksak sa mag-ina sa Malilipot, Albay.
Segun ki Police Captain Erosito Raymund Torre, Acting Chief of Police kan Malilipot Municipal Police Station na kapot na ninda ngunyan an nasabing akusado.
Napag-araman na naaydentipikaran kan mga otoridad an motorsiklo na pigmamanehar kan suspek kasunod kan ipigkondusir na hot pursuit operations.
Segun sa hepe na nagluwas sa saindang imbestigayon na kakaluwas lang kan suspek sa sarong mental health facility.
Antes an madugong krimen, nagkaigwa suboot nin dae pagkakasinabutan an ina kaini asin tugang alagad bigla na sanang naglaog an suspek na may dara nin pataron hasta sa dagos na pagsasaksakon an mga biktima.
Sa presente nagpapadagos pa man an ipigkokundusir na imbestigasyon kan mga kapulisan katakod kan insidente.
