LEGAZPI CITY – Nagpagirumdom an Barangay Senior Citizens Association kan Barangay Cruzada, Legazpi City sa saindang kapwa senior citizen katakod kan pagselebrar kan bagong taon.
Segun ki Barangay Cruzada Senior Citizens Association President Delia Villano sa intrevista kan Bombo Radyo Legazpi na dapat nasa laog sinda kan saindang mga kaharongan sa pagpopoon sagkod matapos an wala-toong putukan.
Afuera suboot digdi an dapat maglikay sa mga pagkaong makawsa sa sainda nin helang o mapalala kan saindang presenteng kamatean arug kan matatamis asin matataba na pagkakan.
Ibitaran man an pag-expose sa mga aso nin mga paputok nganing dae magkaigwa nin respiratory problems partikulamente na an may mga asthma asin maluya an resistensya.
Abiso pa kan presidente kan grupo na dae na makipagsabayan an mga may edad na sa mga kaakian huli ta iba an kamugtakan kan hawak kan mga aki kaysa sa sainda.
Bukas man suboot an saiyang harong na magtao nin pagkakan sa mga kataraid niyang senior citizen na warang panghanda sa media-noche.
Pagdoon pa ni Villano na pwedesir man iselebrar kan mga may edad na an bagong taon maski dae nagluluwas sa saindang mga kaharongan.
