Nagsakat na sa 112 ang kaso nin destroso hale sa paputok puon Disyembre 21 sagkod Disyembre 28, 2025.
Susog sa Department of Health, mas hababa ini nin 26% kumpara sa parehong panahon kan nakaaging taon, senyales nin epektibo suboot an kampanya laban sa paputok.
Pinakadakol na kaso an hale sa National Capital Region, kasunod an Ilocos Region, Central Luzon, asin Western Visayas.
Kadaklan sa mga biktima an mga joven na lalaki edad 5 sagkod 14 na kalimitang naggagamit nin mga paputok siring kan Piccolo, Kwitis, asin asthma.
Afuera sa paputok, nairehistro man an 376 aksidente sa tinampo asin 190 kaso nin noncommunicable diseases siring kan stroke, heart attack, asin asthma.
Susog sa DOH, mas kalimitan tamaan nin stroke asin heart attack an mga lalaki, mantang mas kalimitan an asthma sa mga babae.
Padagos na nangangapodan an DOH sa publiko na maglikay sa paggamit nin delikadong paputok asin pilion an ligtas na alternatibo nganing malikayan an danyos ngonian na Kapaskuhan.
