LEGAZPI CITY – Nakatalaang isupendir kan Land Transportation Franchising and Regulatory Board (LTFRB) an prangkisa kan bus company na imbwelto sa madugong insidente sa tinampong sakop kan banwaan kan Del Gallego, Camarines Sur.
Segun ki LTFRB Bicol Director Joel Defeo sa intrevista kan Bombo Radyo Legazpi na nakipag-olay na siya sa operator kan bus company mapadapit sa pagsususpinde asin nakipagkoordinar na sa LTFRB central office para sa pagpapaluwas nin show cause asin preventive suspension order.
Naglalaom siya na pwedesir ngonian na aldaw o sa mga masunod na aldaw maipapaluwas an naunambitang kasuguan laban sa driver asin bus company.
Nakipag-olay na man siya sa passenger accident management insurance incorporated para sa pagtataong asistensya sa mga pasahero kun sain P400,000 an insurance kan mga nagadan mantang P100,000 man sa mga iridong biktima.
Pigtaram pa kan opisyal na pwedesir magpataw nin padusa an saindang ofisina laban sa driver kan bus sa oras na nagluwas na an resulta kan imbestigasyon kan Philippine National Police.
Sa presente an pigpapagibo na niya suboot nin action plan an kagsadiri kan naunambitang kompanya para sa gigibuhong sistema urog na an mga pasaherong apektado kan mga bus na parte kan sinuspending prangkisa.
Permihang pagirumdom ni Defeo sa mga driver kan mga pampasaherong behikulo na mag-ingat sa pagmamaneho asin magpangadyi para sa salbadong pagbyahe ngonian na holiday season.
 is scheduled to suspend the franchise of the bus company involved in the bloody incident on the road in the town of Del Gallego, Camarines Sur.){kind=link}