LEGAZPI CITY—Irido an sarong indibidwal makalihis na makabangga an piglulunadang kotse sa sarong harong sa Barangay San Rafael, Castilla, Sorsogon.
Segun ki Castilla Municipal Disaster Risk Reduction Management Office Head Edgar Ardales Jr., sa intrevista kan Bombo Radyo Legazpi, basado sa CCTV footage na harani sa pinangyarihan kan insidente na wara man na kabanggaan an nasabing behikulo, alagad, kusa suboot ining naggilid asin nadamay an ibang behikulo sagkod na makabangga ini sa harong.
Nagsapo suboot nin suspected fracture sa takyag asin laceration an babae na kataning kan driver asin sa presente an may consciousness man ini.
Mientrastanto, nagpatanid man si Ardales sa mga motorista na i-asigurar na dae nakainom nin arak, ibitaran an marikas sa pagpadalagan nin behikulo, asin magpahingalo en kaso pigpirot sa biyahe nganing makalikay sa anumang aksidente asin makapagselebrar nin maogma asin salbadong holiday season.
