Dae tinugutan kan senado an kahagadan nin Christmas furlough o temporaryong libertad kan contractor na si Pacifico “Curlee” Discaya II asin tolong dating engineers kan Department of Public Works and Highways (DPWH) na imbwelto sa kontrobersyal na flood control project.
Segun ki Senate Blue Ribbon Committee Chair Panfilo “Ping” Lacson, pigrekomendar niya ki Senate President Vicente “Tito” Sotto III na tanggihan an furlough request kan grupo huli sa seguridad.
Pigtaram ni Lacson na pauru-utro nang sinabi ni Ombudsman Jesus Crispin Remulla asin ni Presidente Ferdinand Marcos Jr. na magpapaluwas na nin mandamiento de aresto bago an pasko laban sa mga imbwelto.
Kabali sa mga dae tinugutan na makaluwas iyo si Discaya asin an inaapod na “BGC Boys” na sinda Brice Hernandez, Jaypee Mendoza, asin Henry Alcantara, gabos dating engineer kan DPWH.
Nakadetine ngonian sa senado an apat katakod kan imbestigasyon dapit sa suboot anomalya sa flood control projects na nagkakantidad nin ginatos na milyon piso.
 involved in the controversial flood control project.){kind=link}