LEGAZPI CITY-Pigtukoy ni Department of the Interior and Local Government (DILG) Secretary Jonvic Remulla na an Bureau of Fire and Protection (BFP) an pinaka-korap suboot na ahensiya kaini.
Ipigbuyagyag kan kalihim makalihis suboot na madiskubre an mga katiwalian sa linya kan Bureau of Fire and Protection.
Sinabi pa niya na may mga opisyal asin personnel kan bureau an piggagamit an saindang badge sa iligal na mga aktibidad, siring ka pag-recruit kan mga bumbero kun saen pigsisingil kan mga scalawags an mga aplikante kan P500 kada saro ngani makalaog sana sa bureau.
Siring man an pinagkakakitaan suboot kan BFP officers an inspection fees asin pagpapabakal kan fire extinguishers.
Kasunod kaini, sinabi ni Sec. Remulla na natukoy na an mga korap na opisyal kan Bureau of Fire and Protection na sinabi niyang sisibakon poon sa Enero sa masunod na taon.
Mientrastanto, wara pang ipinapaluwas na tugon an Bureau of Fire and Protection kasunod kan pahayag kan DILG chief.
