LEGAZPI CITY- Mahigot na nakabantay an gobierno provincial kan Albay sa mga parametro na pinagbabantayan sa bulkang Mayon.
Segun ki Albay Governor Noel Rosal sa intrevista kan Bombo Radyo Legazpi na nahiling an paghuhubag sa bunganga kan Mayon volcano.
Pigkakahaditan kaya na magkaigwa nin aktibidad an bulkan enkasong magkaigwa nin mga pag-uran sa provincia kan Albay.
Sinabi kan gobernador na naimpormaran na an gabos na mga banwaan sa Mayon unit area na magtenir na naka monitor asin siertuhon na warang makakalaog sa 6 km radius permanent danger zone.
Segun ki Governor Rosal na mas marhay na an amay na naka preparar ngani na dae maisaalang alang an seguridad kan mga namamanwaan.
