LEGAZPI CITY—Liwat na nakakuwa nin honra an provincia kan Sorsogon sa ikunundusir na Gawad KALASAG Local DRRM and Stakeholders Recognition Ceremony na pinangenotan kan Office of Civil Defense Bicol sa Legazpi City.
Segun ki Sorsogon Provincial Disaster Risk Reduction and Management Office Head Engr. Raden Dimaano, sa intrevista kan Bombo Radyo Legazpi, gabos na local government unit kan saindang provincia an nakapasar sa assessment kan nasabing pagbisto.
Boot sabihon suboot kan nasabing honra an pagpapahiling kan kahusayan kan kada LGU pag-abot sa disaster risk reduction and management.
Nagpapasalamat man an opisyal sa itinaong pagbisto sa saindang lugar magin sa esfuersos kan mga Municipal Disaster Risk Reduction and Management Offices, suporta kan mga LGU asin gobierno provincial kan Sorsogon.
Padagos man an pagiromdom ni Dimaano sa namamanwaan na tawan importansya an mga impormasyon asin magdangog sa mga abiso asin orden na pigpapaotob kan mga ahensya nin gobierno.
