LEGAZPI CITY- Liwat na pinagot kan ciudad kan Legazpi an pagpapaotob nin ordinansa dapit sa pagigin responsible pet owners.
Segun ki Ferdinand Samar, Focal Person kan Barangay Responsible Owners of Dog Ordinance sa intrevista kan Bombo Radyo Legazpi na mahigot an koordinasyon ngunyan kan saindang opisina sa mga barangay ngani na mas ma-engage an mga ini sa monitoring.
Tinawan duon kan opisyal na an siisay man na dae masunod sa pag-gakod kan saindang ataman na ayam an posibleng ma-isyuhan nin citation ticket asin mapag multa.
An mga pet owners na dae magpapa rehistro kan saindang ataman an posibleng matawan nin penalidad na hasta sa P5,000.
Sinabi kan opisyal na bako obheto kan lokal na gobierno na pagmultahon an mga residente kundi mawot sana na maibitaran an mga kaso nin rabies.
Segun ki Samar na tuyong magpaparehistro kan saindang ataman, kukuwaan nin ladawan an mga pet owners kaibanan an saindang ataman ngani na marikas na ma-aydentipikaran oras na maka kagat an mga ini.
An mga barangay na dae magpapaotob kan nasabing ordinansa an posible suboot na masunadan nin kaso sa Department of Interior and Local Government.
