LEGAZPI CITY—Dinagsa kan mga namamawaan an pagpuon kan Christmas Lighting Ceremony sa banwan kan Daraga, Albay kasoodmang Miyerkules na banggi, Disyembre 3.
Segun ki Daraga Mayor Victor Perete sa intrevista kan Bombo Radyo Legazpi, sa simpleng pagpapailaw an pagpahiling suboot nin simbolo kan paglaom nin lambang Daragueños orog na sa tahaw kan mga kadifisilan sa saindang lugar.
Nagtagama suboot an saindang lokal na gobierno nin labi P1 milyon para sa naunambitang Christmas lighting.
Dugang kan alkalde na pigpaplanuhan pa ninda an ibang aktibidades na pwedesir i-ofresir sa namamanwaan ngonian na kapaskuhan.
Mientrastanto, tinawan-doon man kaini na an pinakaimportante man giraray sa mga siring na pailaw an magkasararo asin pagtarabangan kan lambang saro.
